近日灰濛超凍的天氣，特別令人想念溫暖藍天，開着愛驅享受陽光！不過駕駛卻被視為環保破壞者，但今時今日汽車已不再與環保對立，連Mazda都絞盡腦汁為小汽車推出環保版Mazda3Bluepower，原因只為慳多啲，慳油慳住廢物排放，仲邊揸車邊種樹，減少污染。
記者：趙慧敏
攝影：陳盛臣
Model：Betrys@GMEModels
停燈位熄火夠慳油
一向主打慳油實用的Mazda3，今次再推新版本，要突破真係有啲難度，不過佢偏偏唔玩外在美，反而添上不少環保內涵，且帶來的效果實在令人有意外驚喜，相比起不少車廠只顧執執外形，又以新版本名義推出市場，實在有誠意得多。
既然以Bluepower作號召，環保配備必然是首要項目，今次Mazda3Bluepower換上一副燃油直噴引擎，又新增了i-stop系統，所謂i-stop即車輛在燈位或塞車時，駕駛者踏Brake時，引擎便會自動熄火，直至駕駛者重新踩油門，引擎又會再重新啟動，以達到節省油耗的目的，令人驚喜的是整個啟動引擎過程僅需0.35秒，絕對不會影響起步速度。根據經驗，部份車輛在啟動過程中，令全車出現輕微顛簸及雜聲，不過Mazda3Bluepower似乎已解決這個問題，操作過程都可以保持寧靜及穩定，最重要是駕駛者可以按情況，自動調校i-stop系統的開關，完全由你選擇。
換新偈更好力
性能方面，換上MZR2.0DISI燃油直噴引擎後，雖然同是2公升引擎，但性能較Mazda3為高，最高輸出150匹馬力，扭力達19.0kg-m，更配備加減自動波及撥片功能。另外已取得環保車資格，為荷包慳番唔少，就算唔計首次登記稅，據廠方數字，耗油量是16.8km/L，以油價$15.38計算，每公里只需$0.9，十分化算。
種樹越多代表越慳
今次Mazda3Bluepower注入一款頗具趣味的功能MID（MultiInformationDisplay），MID設於中控的顯示屏位置，可統計駕駛者使用i-stop時間，累積時間會以樹木的數量為統計標準，使用時間越多，樹木生長越茂盛。
MID會分為三個階段，整個樹木生長過程，大約要使用累積i-stop8.5小時，想多一棵樹，用多8.5小時啦！
Mazda3Bluepower規格
引擎： 2.0MZR2.0DISI
馬力： 150ps/6,200rpm
扭力： 19.0kg-m/4,500rpm
傳動： 5速+/-自動波
售價： $189,990起
查詢： 28921112（萬事得汽車）