華爾街仲係咪掘金天堂?答案係……Yes!
金融海嘯之後，一班喺華爾街打滾嘅金融才俊，已經變成人人喊打嘅過街老鼠，花紅亦冇以前咁和味，之但係，原來衰極都仲係天之驕子！拍埋啲專業人士度比一比，簡直係人中之龍㖭！
比癌症研究員 高薪10倍
舉例嚟講，一個有10年經驗嘅期油交易員，今年年薪應該有「一球」（100萬）美金，但係年資同樣係10年嘅神經科醫生，人工唔夠60萬美金，即係話前者人工高過後者約七成。至於話負責做「刁」嘅銀行家，每年收入更有「兩球」美金，比癌症研究員嘅人工高10倍！
平民見到呢啲「神級」人工，梗係嘩嘩聲啦，但係業內好多人就認為，做呢行工時長、壓力大，人工其實唔算多。紐約大學商學院教授ThomasPhilippon就話，呢個係一個好唔健康嘅現象，反映社會只係欣賞對經濟有貢獻嘅人，忽略咗好多基本嘅嘢。
咁又係呀，花旗國一個有40年經驗嘅四星上將，成世人奉獻畀國家，每年人工至多都係得18.5萬美金咋，所以呢，有仔你都望佢做大鱷好過做將軍喇！
Bytheway，經歷過金融海嘯洗禮，啲大行仲出手咁豪，唔知佢哋喺風花雪月之時，有冇諗返海嘯嘅日子呢？
mailto:[email protected]