袁詠儀（靚靚）昨日在中環出席活動時，自稱手袋狂，兒子魔童更代她嚴選手袋。自言與老公張智霖是郭富城長輩的靚靚，絕不相信城城與熊黛林已訂婚，更揶揄城城是一隻無腳的雀仔，現階段不會結婚，更揚言他應找一個18歲的女友默默等待。
袁詠儀和林建岳女兒林心兒等昨日現身中環7號碼頭Watermark，出席意國手袋品牌Furla活動，同場貝安琪、AnaR.及翻版關之琳Jocelyn等人行騷。
指訂婚屬流料
靚靚在台上自封是手袋狂，她說：「我屋企手袋係以箱計，老公成日話我轉手袋，家做咗媽咪，手袋都要大啲、輕啲，因為要放魔童啲嘢，買手袋都要問佢意見，自己鍾意黑、白同灰色，魔童就鍾意綠色、粉紅同黃色，同佢相反晒。」
問到靚靚與老公張智霖友好的郭富城傳與女友熊黛林訂婚，靚靚即笑說：「我係長輩冇理由唔知，佢（城城）要斟茶畀我哋飲，佢點會結婚，我個仔18歲佢先結婚，唔係睇死佢，佢係一個好爸爸，平時同魔童玩都好takecare，不過佢係一隻無腳嘅雀仔。」
城城心願未了
談到熊黛林可否令城城停下來，靚靚說：「唔知，阿城結婚唔係家嘅事，佢成日都想搞舞台劇同演唱會，佢揀個後生啲咪得，最好揀個18歲，到結婚嗰時啱啱好。」
此外，貝安琪身穿透視top行騷，明顯凸出胃腩，她死撐近日因操瑜伽練出肌肉，她說：「因為要做好多倒立姿勢，加上本身少少大隻。」
採訪：TamSinYi
攝影：ChanChiLam