今季被湖人交易至網隊嘅後衞禾積斯（圖），周三作客太陽時俾球迷噓爆，除咗因為佢上季效力湖人嗰時，有份喺季後賽淘汰太陽之外，仲有佢喺上季季後賽同太陽嘅斯洛文尼亞同鄉積格斯發生口角，太陽球迷當然乘機為自己友出頭。唔知係咪受刺激，禾積斯後備上陣轟入19分，但係太陽就憑尼殊攞到23分及16次助攻，加時以118:109贏網隊，搞到禾積斯一肚氣。