國泰空服員工潮一觸即發，乘客擔心服務受影響，其實服務質素下跌，唔一定同空服員有關。八方收到風，國泰高層為盤數着想，再構思縮皮招數，就係日後可能唔再向商務位乘客提供梳洗用具包（Overnightkit），長途機乘客日後或者要自備梳洗用品。
其實航空公司為慳皮，多年前已唔向經濟位乘客提供Overnightkit，家陣推而廣之，待客之道可想而知。
即使國泰可能待客不周，不過空服員仍然會做好自己份工，八方聽聞空服員打算按章工作同時，會跟足公司指引，主動向乘客添加飲品，乘客唔使左問右問要求refill，算係空服員對受影響乘客嘅小小心意。工會中人稱唔好睇少呢樣嘢，事關長期打呢種另類消耗戰嘅話，國泰都幾難頂o架。