羅力威自認黑面神「我係慢熱」

羅力威自認黑面神
「我係慢熱」

身處曾出現零收視悲慘局面的亞視,於《亞洲星光大道》冒出的羅力威仍能彈起,他與「巨聲幫」的林欣彤同是炙手可熱的樂壇矚目新人,但羅力威除了已吸納大班女歌迷外,在仍未推出首張唱片時,已打入叱咤樂壇頒獎禮,入選我最喜愛男歌手五強,其負責作曲、編曲的作品《現實不重要》,亦打入我最喜愛歌曲五強,惜最後敗陣。

旁人正驚訝羅力威的氣勢強勁,但他接受訪問時,談到新人有此佳績,仍按捺着情緒說:「最初心情會激動啲,冇預料個成績,之前都只係被封為星光家族嘅人,但家多咗人識,都已經好好。」

周杰倫彈得唱得,羅力威亦承認有被感染。

對於獲讚似言承旭,羅力威自覺對方較靚仔。

感激監製提點

沒有強勁電視台撐腰,羅力威不覺得發展受限制:「喺呢度學到好多嘢,聽過前輩講,亞視就係得咁多嘢,睇你識唔識去運用。」
不過,羅力威星途未算平坦,出道以來受到不少抨擊,他說:「我有好多花名,黑面神囉!其實我唔係黑面,係慢熱,但熟咗我就可以玩得好癲。」羅力威指自己說話坦率算是弱項:「我講嘢係用直接方式,所以激嬲唔少人。好似拍MV,都想着件好啲嘅衫去拍,以前冇我會即刻講,但家會事先溝通,或者自己攞衫。」他還感謝亞視監製的教導提點。

在09年《亞洲星光大道》奪冠的羅力威(右二),人氣較亞軍亢帥克(左二)強勁。資料圖片

「唔似言承旭」

另外,羅力威被指外形有點像言承旭,唱歌時帶周杰倫腔,對此他說:「我唔似言承旭,佢大隻又靚仔,我又瘦又矮。唱歌方面,我聽好多周杰倫嘅歌,佢真係有感染我。」羅力威謂推出個人唱片時,相信可讓人更了解他多一點。
採訪:王連連
攝影:黃偉雄
化妝:JessicaChan(MakeupWorkshop)
場地提供:TermineTea