日式鐵板燒一向走高價路線，三五知己坐埋，鐵板料理師傅貼身服侍，最低消費過千。最近有日式鐵板燒新店空降沙田，材料繼續講究，價錢卻「親民」得多，以成為大眾化家庭食堂為目標。
記者：林佩婷
攝影：陳盛臣
Model：露比
總經理Edwin指餐廳的目標是把鐵板燒變成天天都吃得到的親民料理，因此打開餐牌，由各式漢堡、鵝肝、美國安格斯西冷、宮崎雞扒到A4和牛等菜式，都只是數十至百多元，而且還有不少套餐選擇，$58起便有齊主食、沙律、湯、炒野菜及日本稻米飯；最吸引眼球的，就是幫襯特選定食套餐，加$78就可吃到半隻肉厚味鮮的燒波士頓龍蝦，更是即叫即劏，保證新鮮，超抵！
日賣龍蝦八十隻
別以為價錢平便將貨就價，加$78吃到的半隻波士頓龍蝦約重四両半，可鐵板燒或汁煮。個人推介汁煮活龍蝦，木魚清湯加入龍蝦殼熬出鮮甜湯汁，再下蛋花煮，最特別是加入日本雲吞皮，令湯汁更加濃稠、更有咬口，多出的湯汁更可用來撈飯吃，一家大小最啱食。就算單點都只售$148，難怪高峯時期每晚可賣出八十隻！至於鐵板燒活龍蝦及各式燒海鮮，本來夠新鮮就已拿滿分，難得師傅肯花心思，配製出獨家的海鮮酸汁提升海鮮食味，居功不小，「日本果醋有清新糖份，些少已可帶出海鮮鮮味，再加入清酒和芫荽煮成海鮮酸汁，可去油膩。」
生果做汁化油脂
肉食獸的推介則不可不提和牛薄燒，選用A4級宮崎和牛，油花均勻而有肉味，包着乾葱、蒜頭及葱花一起吃，非常香口，肉味香濃。喜歡白肉的則可選宮崎雞扒，雞皮油份較少，咬落彈牙。漢堡扒亦有三款選擇，牛肉漢堡選用七成牛肩肉配三成西冷，牛肩肉偏瘦而味道濃郁，西冷則肉質結實帶油份，食落有少許牛羶香；雞肉漢堡以七成較滑的美國雞肉配三成肉質實淨的宮崎雞，搓的時候再加入少許雞皮和雞湯，食落更有雞味；至於豬肉漢堡，則選用加拿大黑豚肉混入少許爽口豬頸肉，食落不但有咬口，色澤、賣相亦會更靚，「如果用雜肉來做免治豬肉，無論煮幾耐煮幾熟，切開個心仍是粉紅色的，看來就像未熟似的，容易令客人誤會呢。」除用料講究，鐵板燒肉一樣配有特製鐵板汁，此汁以蘋果、香蕉、清酒、紅酒、麪豉、蒜頭、大葱和洋葱等煮兩至三小時，再放約一星期讓它沉澱淨化才成，「生果的氨基酸和果酸可幫助分解肉類脂肪，蘋果和香蕉天然的甜味，又可帶出肉的甜。」
小食廿多元起
除了定食，店裏有不少有特色的鐵板小食選擇，如鐵板燒鵝肝，單食太膩，在下方放一塊烘多士，既吸收了鵝油，吃下去又夠香口。瀨戶內海生蠔味道濃郁，鐵板製法可令蠔身更腍滑，食落好Creamy，下層還有清酒醃過的燒菠菜、冬菇和洋葱，Edwin說蠔和配菜最好一起吃下去，口感會更加豐富。很多家庭料理都喜歡做雞翼，故這裏亦設計出清酒香蒜燒雞翼，雞翼浸清酒兩小時，和香蒜及少許清酒一起燒，份外香口入味。
IKITeppanyakiBento（28906660）
地址：沙田新城市廣場L1層105號舖
