麥拿倫(McLaren)92年參戰嘅一級方程式,刷新全球速度紀錄,憑住F1經驗同技術,今時今日唔同M.Benz聯手,獨自研發嘅超高性能街車,依然大把人排隊爭住買。過往呢類「超超跑」,供應全講配額,港人要買難度相當高。好彩森拿美今年正式攞到代理權,將首款自主研發嘅MP4-12C引入香港;金屬橙色車身、鷗翼車門、600匹馬力,對比其他睇到悶嘅超跑,麥拿倫的確可為港人帶來更多新鮮感。