杜琪峯與劉兆銘前晚於科學館出席「以色列電影節2011」活動，阿杜透露正忙拍《奪命金》，稍後就要開拍鄭秀文（Sammi）及古天樂主演的愛情電影，屆時要到位於香格里拉海拔4,000米的地方取景，問到可擔心演員有高山反應？阿杜說：「我唔擔心Sammi，之前同佢去過海拔3,000米嘅峨嵋山。而且今次我哋會先喺海拔2,000米嘅地方住一晚先，我反而擔心古仔，佢周身病。」有指古仔只有腳傷，也算健壯，阿杜說：「點知會唔會上到去心臟o架？」
否認抄人
對於有指阿杜執導的《單身男女》場面有抄襲澳洲短片《Signs》之嫌，他說：「你哋話係咪係囉，我預咗拍戲會俾人講。」他坦言有看過該電影，問他本人覺得似不似？阿杜說：「你問我就話唔似，各有各嘅世界，我冇必要抄人。」
採訪、攝影：王崇穎