經過兩個月各方嘅推薦評選，央視CCTV噚日公佈佢哋嘅2010中國經濟年度人物入圍候選人名單。
20個候選人，包括有國家開發銀行董事長陳元、清華大學中國經濟研究中心主任李稻葵、聯通（762）董事長常小兵、新希望集團董事長劉永好、北京汽車集團董事長徐和誼等等。
CCTV話，佢哋以「推動力、影響力、創新和責任」為評選標準，呢份名單反映2010中國經濟嘅發展特點。
另外，雖然房地產依然係內地熱門話題，但候選名單已經無房地產業嘅領導人，喺宏觀調控下，呢個係一個恰當嘅選擇……跟住阿爺意思去揀，豈止恰當，直頭goodfit喇！