農曆新年將至，香港各大商場唔敢怠慢，因為要迎接內地客呢班財神！好似新鴻基地產（016）咁，旗下11個商場，由家至2月14號，共掟1350萬做宣傳，按年升兩成，當中，三至四成係用喺消費獎賞同內地旅客推廣。
新地租務「一姐」馮秀炎（圖）話，11個商場中，佢估尖沙嘴新太陽廣場嘅內地客佔嘅比例最勁，應該有九成半，人均消費3萬至5萬蚊左右，個人消費更可能有30萬至50萬！佢又話，其中嘅三個商場，包括新太陽廣場、上水新都廣場同大埔超級城商場，今年仲會大搞內地購物團，團數由上年180團加到280團，目標係喺呢班豪客身上做到6600萬蚊嘅生意！