聯盟今季實施「零容忍」政策，球員唔可以質疑球證判決，否則會被吹罰技術犯規。好多球員都唔太喜歡咁樣，但聯盟對於吹錯咗都勇於承認，好似湖人周日主場鬥紐約人場波，湖人中鋒拜林（圖）被罰兩次技犯被逐離場，事後聯盟發現吹錯咗，就取消拜林第2次技犯，令拜林少罰2,000美元，查實錢就事小，被逐離場事大，好彩嗰場波湖人大勝咋！