【本報訊】國泰對外公佈加薪4.5%，工會反擊指資方玩數字遊戲，實際加幅只是0至3%。有經濟學者批評國泰加薪幅度有「水份」：「國泰咁樣計，點可以話加咗4.5%，連增薪點都計埋喺加幅入面，真係算死草，好縮骨、好無恥！」
實際加幅僅0至3%
經濟學者關焯照表示，公營機構、大學及一些良心企業，對員工宣稱的加薪幅度，不會將員工的增薪點計算在內，也不會將一次性花紅說成加人工：「例如加薪4.5%，正常理解係將底薪加4.5%，唔會似國泰咁，將增薪點如1%再加薪3.5%，咁就叫加咗4.5%。國泰咁樣計算加薪幅度，真係算到寸草不生！」
關焯照續稱，部份達頂薪點的資深機艙服務員，只獲發相等於全年底薪4.5%的一次性酬金，只能稱為花紅，「員工基本底薪冇變，第二年冇咗花紅，咁唔算加人工」。
關焯照承認，部份私人公司會用類似手法加薪，但不會如國泰般公開「大大聲」表示已加了4.5%，「咁樣講好縮骨、好無恥」。
職工盟表示，國泰加薪實質只是0至3%不等，把加幅說成4.5%是誤導公眾，國泰去年賺過億元利潤，應有理想加薪，而非單單一次過發花紅。