嫖妓係對係錯真係因人而異,不過如果要犯法咁去尋歡作樂,就真係有點唔抵啦!好似曾代表瑞典國家隊出戰3屆世界盃嘅37歲已退休門將希特文(圖)咁,早前被控以觸犯瑞典法律嫖妓,日前上訴失敗,被罰2,500瑞典克朗(約2,800港元)。希特文就話自己係無辜嘅,佢事前絕對唔知道對方係妓女,根本無畀過錢同佢發生關係,仲話佢絕對唔會以嫖妓享受性愛之樂㖭!