現年45歲的被告前妻戴鳳儀，只有小學教育程度，從小在生果檔幫父親賣生果，亦因此結識在附近酒樓任侍應的丈夫劉解開。兩人拍拖一年後結婚，先後誕下一子一女，兩人現已成年。
「佢話同另一個結婚」
戴昨在庭上作供時神情平靜。她與被告結婚20年，關係一直沒有問題。直至04年底，丈夫搬到位於馬鞍山的餐廳宿舍住，又經常不歸家，令她懷疑丈夫有外遇。戴稱：「我後來問佢，佢話有囉……佢後來話要同另一個結婚，所以同我離婚。」她又謂：「我有求過叫唔好離婚，佢話唔得。」兩人最終06年離婚。
兩人做不成夫妻，戴仍繼續跟被告做朋友，間中聯絡。08年底，戴與陳漢基拍拖，感情有着落，被告卻要復合。
戴說：「之前話離婚係你，話返嚟就返嚟，有乜理由你話返嚟就返，走就走。」她不同意復合，其後發生事故。本報記者