越野車已經係小眾玩意，更何況是古董越野車！好多車款前所未見，仲懂得狂野狂，就如這兩款同屬三菱車廠的產品，一款是超過三十年歷史的當年超豪Jeep，古典味十足；另一款是八十年代中期產品第一代Pajero，駕駛艙的頂好似開罐頭咁揭起，到郊外狂野一番無難度。
記者：趙慧敏
攝影：陳陶鈞
Model：Keko
罐頭揭蓋Pajero
沒有三菱Jeep，可能沒有Pajero，這款第一代Pajero，沒有三菱Jeep的優雅外形，四四方方的車形成為八九十年代日本四驅車的基本造型，這款開篷版絕對越野之餘亦夠晒Free；不過開篷唔止係車斗，連駕駛艙的車頂一樣得，但唔係揭起個軟篷咁簡單，而係好似罐頭蓋咁，連硬頂可以攞走。相隔數年，與三菱Jeep相比，已經由四速改為五速，而且這款Pajero亦背負一副G63B2公升Turbo，性能上都已經有好大進步。
Jeep身世之謎
這款1980年產品的三菱Jeep，外形充滿復古味，說它是六七十年代的款式反而更貼切！它確實是以那年代美國品牌Jeep車形為基礎，並一直沿用十多年，不過除車形，其身世之謎亦惹人疑惑，Jeep明明是美國車廠，為何會由三菱所取代？事實上早在韓戰期間，美國車廠為增加越野車產量，將四驅車技術傳授及授權予三菱，於是三菱便以Jeep名義推出市場，此舉當然令三菱對製造四驅車技術來個大躍進，以後三菱陸續有其他越野車登場，多少拜此所賜。
達豪華級數
眼前這部立立令的三菱Jeep當然不屬戰爭產品，而是隨後推出的民用豪華版，以往對於經常攀山涉水的四驅越野車，雖說是豪華，但個人絕不敢寄予厚望，但這部絕對令你相信它達到豪華級數。
據引入這款車的輝哥表示，相若年份的同款車經過幾十年，一般已經十分殘舊，慶幸日本原車主將車作收藏，並長期擺放地牢，減少日曬雨淋及侵蝕，加上打理得宜，令車殼及內部飾件，甚至座椅等都可保持新淨，車身由外至內都屬原裝正版，來港時只需清除小量銹迹。內部唯一需要添加的，只有視野較廣的倒後鏡。任何人第一眼望上這部Jeep，已被它全車TwoTone紅白雙色設計的外形搶盡視線，車廂內紅色首先成為焦點，加上小量的電鍍飾件，視覺效果一流，另外收音機（只有AM頻道）、冷暖氣一應俱備，今時今日揸出街都唔辛苦。
上斜絕無難度
動力裝置方面，擁有4G53直四引擎，2.4公升引擎，輸出110匹，應付大斜坡與凹凸山路絕對沒難度，單聽發動的引擎聲，已感受到源源不盡的動力，絕沒有老爺車氣喘如牛的感覺。想據為己有，相信要動些腦筋，事關車主早將這車視為鎮店之寶，要從輝哥手上買走，似乎不是一件易事。
三菱JeepJ38
性能：2,384cc直四
馬力：110ps/5000rpm
扭力：20.0kg-m/3000rpm
傳動：4速四驅
車輛提供：東聯汽車（21946088）