又「鷹」又「紅」嘅新一哥曾偉雄,據稱其實都好有「情」。當差幾十年,新一哥印象較深刻嘅唔係做卧底的日子,亦唔係瓦解賊王季炳雄械劫集團,反而喺一宗拉道友小案,及當年遣返越南船民情景。
解開「孖葉」放犯見媽媽
七八十年代,曾偉雄偵破販毒案拘捕一個道友,疑犯被捕後向警察提出一個特別要求,就係想見一見年邁嘅母親,當時評估個犯逃走風險甚低,於是網開一面押犯人回家見媽媽。呢件法外情往事,高潮位係臨入屋前,探員仲暫時解開犯人「孖葉」,免得老人家知道兒子被捕。
九十年代初,港府大批遣返越南船民,曾偉雄當時亦有份協助押送工作,箇中情景令佢至今難忘。任職CID時,曾偉雄體現警察靈活執法,適當運用酌情權嘅一面,且看他掌權後能否保持這份「人情味」。