太陽前鋒格蘭希爾（圖）今年已年屆38歲，但係佢係太陽嘅快攻箭頭，真係勇過好多後生仔，之但係鍾意希爾嘅球迷又要擔心一輪啦！皆因希爾喺周日主場鬥騎士時，佢喺首節喺籃底同騎士嘅M夏里斯相撞膝傷離場，暫時仲未知休養幾耐，真係擔心！東岸榜尾嘅騎士亦有傷兵，就係「爆炸頭」前鋒華利奧腳踝韌帶撕裂需要做手術，今季應該都提早收「咧」，真慘！