前晚劉德華在紅館舉行尾場騷，遭嘉賓劉嘉玲逼供，要他公開多謝華嫂朱麗倩，但華仔仍扭扭擰擰，始終不肯開口，朱麗倩似乎成了華仔的死穴，每次有人提到華嫂，他例牌避談，兩人亦鮮有一起外出。不過上月有人目睹華仔夫婦難得地同坐保母車往筲箕灣的祥德軒佛堂參拜，當日華嫂淡掃蛾眉、穿淺色衫，由華仔陪同下車後便匆匆走進佛堂。其實去年9月，朱麗倩曾被拍得單拖往該佛堂求子及還神。
應放開胸懷
華仔多年來都封嘴拒談感情事，直至前年他到大馬為外父奔喪和朱麗倩返港時，華仔才與朱麗倩上演了經典的世紀拖手（圖），未幾華仔再被本報獨家踢爆已與朱麗倩早於08年在賭城秘密註冊。奈何此後華仔對朱麗倩三個字依然避忌。華仔收埋朱麗倩多年，就算親口確認其老婆身份後，情況也如舊。他連開20場演唱會，屢被嘉賓拿朱麗倩開玩笑，他都避談。今年踏入50歲的華仔有家室、恨生仔乃人之常情，且大多fans都接受偶像已婚的事實，故華仔應放開胸懷，毋須將朱麗倩視為禁忌。