前晚劉德華在紅館舉行尾場演唱會，不少圈中人也前來捧場，包括有鍾楚紅、利孝和夫人、汪明荃（阿姐）、華仔父母等，而六嬸方逸華更由三大無綫高層陳志雲、李寶安及樂易玲陪同下到場睇騷，台上台下同樣星光熠熠。
度過白色生日
其中與林敏驄離婚多時的陳伶俐，前晚和男伴到場睇騷，兩人坐在第一行位置，並不時咬耳仔，不禁令人懷疑她有新戀情。記者昨日致電陳伶俐了解時，她語氣平淡地說：「嗰個係普通朋友嚟咋！同埋噚晚我哋係成班人去睇演唱會，唔係淨係兩個人！」陳伶俐本月4日剛度過其33歲生日，日前她在微博上載了一張雪景照片，說在一個神秘地方過生日。雖然陳伶俐未有透露身在何處，但上月31日她上載了一張北海道小樽照片，並說：「這個地方太美了！」估計她是在北海道過新年及順道慶祝生日，認真浪漫。
此外，阿姐昨晚也有上台為華仔擔任嘉賓，她落台後繼續坐在觀眾席上睇騷，並捉住紅姑合照，然後放上微博。至於方逸華在華仔開騷前，亦專程拉隊到後台為華仔打氣。
採訪、攝影：胡比