去年5月底，金至尊在如心廣場的新店開幕，剪綵嘉賓之一是「業主」兼香港資源（2882）股東華懋集團的領導人龔仁心。黃律師與龔醫生緣何相識，兩人都無向外間提及。「我同龔醫生實際識咗3年，係政協港區委員嘅朋友介紹我識嘅，有一段時期，我作為法律界專業人士，畀咗好多意見佢，我爸爸嘅時代都有代表過華懋，細個嗰陣見過黃生黃太（即黃德輝與龔如心）嚟我屋企食飯……」查實，雙方算是幾十年世交。
名人入股 「好大壓力」
為龔醫生提供免費意見，識英雄重英雄，黃英豪其實也行善積德，「因為我覺得呢件事值得幫手！龔醫生同我講咗好多佢以前喺福建做赤腳醫生嘅嘢，龔醫生去鄉下行醫，係好難得嘅……我覺得唔係偏幫任何一方，而係話如果龔醫生佢哋有心喺內地行善，我可以俾好多意見佢，咁前提當然係慈善基金要有資源。」
不過，外間更關心華懋是否想借殼上市，「過百間上市公司，佢哋都有股票，只不過係投資多一間，對佢哋嚟講，有一定前景同回報，佢哋都會投資。」黃英豪因此邀請他入股成為戰略投資者。除了龔氏外，他的拍檔徐傳順亦引入了自己的女婿李家誠和姻親李兆基。
星光熠熠的代價相當高，「人哋入咗股，我好大壓力，要交卷o架！」見慣風浪嘅黃英豪如是說。