寶馬上年銷售成績相當凌厲，甫踏入2011年，即豪氣地為新X3造勢。前兩晚喺海運大廈露天停車場，搭咗個超大場館作新車發佈會，過百嘉賓可以近距離任影任坐最新X3，場面相當熱鬧。任賢齊、陳豪同陳法拉緊接出場，兩大型男當然引死在場女士，法拉都唔執輸，就算天氣幾凍都好，一招露出香肩，立即令全場升溫，乜凍氣都俾佢融化晒。