尚福林（圖）果然做到嘢！呢兩日同新聞出版總署夾手夾腳整咗份《關於加強報刊傳播証券期貨信息管理工作的若干規定》出嚟，要求大家審慎報道可能影響投資者預期同市場穩定嘅新聞。
審慎都未算，份《規定》仲禁止唔具備資質嘅專欄作家，同埋缺乏經驗嘅記者從事證券同期貨領域嘅報道……記者有冇經驗就話容易判斷啫，但係有冇資質囉喎，就好主觀！咁多講股佬、講股婆，邊個係冇資質？又由邊個去釐定係咪冇資質？
至於對記者嘅要求，但凡寫親呢啲新聞嘅專刊、專版，總編輯、主編同主要編採人員，要有5年以上新聞專業工作經驗兼熟悉證券期貨，負責寫嘅記者就要有兩年以上報道財經新聞嘅經驗，實習記者唔可以單獨做採訪報道……下次唔知尚生仲要管乜呢？
mailto:[email protected]