踏入新一年，港股有個好開始，恒指全個禮拜升651點，交投亦回增，雖然上日出現技術調整，但短線走勢仍偏樂觀。
今個禮拜港股波幅唔會細，支持位喺23100，阻力就在24800。滙控（005）上禮拜係支撐大市嘅主力，呢個禮拜要繼續留意。地產股回勇，唔單止係技術反彈，樓市回暖帶嚟實質支持，相信會繼續反覆造好。
新世界C輪23964：新世界發展（017）上日報收15.96元，升2%。股價喺12月底兩度下試250日線都出現迅速反彈，反映該長期平均線有好強力支持，家股價已經重返50日線樓上，將會向11月高位17.70元推進，破位睇18.50元，可以諗吓隻C輪23964。
隻輪現價19.5仙，2011年5月27日到期，行使價14.88元，溢價5.5%，引伸波幅36.7%，槓桿率8.2倍（有效5.4倍），正股升上18.50元，23964睇39.4仙，有一個Double，正股跌穿15.30元就沽咗隻輪。
俊樺