【本報訊】民主黨創黨主席李柱銘與支聯會主席司徒華同為香港民主運動領袖，兩人惺惺相惜、並肩作戰逾廿年。華叔在醫院與癌魔搏鬥的最後時期，仍念念不忘這位民主運動上的老戰友，兩度親自致電約見李柱銘，表明擔心警方無理打壓支聯會。面對老戰友的最後囑咐，李柱銘親口答應會盡力保護支聯會，「我話支聯會俾人告嘅時候，我一定會幫手」，並呼籲市民繼承華叔遺志，盡力為民主運動奉獻。
記者：林俊謙
司徒華本月二日離世當天，李柱銘與一眾黨友趕到醫院，可惜未能見到華叔最後一面。一直視華叔為親兄的李柱銘當天說到華叔時難掩激動，哽咽的表明會繼續爭取民主，完成老拍檔遺志。事隔一周，李柱銘接受訪問時說起當日仍然哀傷不已。他指當天因為未有及時察覺支聯會義工來電，無法見華叔最後一面，說時激動哽咽，「如果華叔未去之前，我已經去到；如果佢仲知道、仲聽到嘅，我會話：華叔，你唔好擔心，你放心去啦。你去咗天國，要睇住我哋，幫我哋繼續爭取民主。」
「現時差人好似易受傷」
華叔留院抗癌時，李柱銘多番到醫院探望，形容華叔雖然病情反覆，但早已坦然面對，「華叔即時已經睇通晒，同佢傾偈時，佢唔會好傷心，亦唔會好怕死」。原來華叔離世前，曾經兩度不尋常地親自致電李柱銘，李柱銘引述最後一次華叔在電話中對他的說話：「佢話『Martin，聽日可唔可以嚟見我？』當時華叔好多電話都唔記得，但我嗰個佢仲記得。」在這次長約25分鐘的最後會面中，華叔多番提及擔心支聯會日後到中聯辦示威時會遭警方無理拘控，「現時嘅差人好似易受傷，成日會跌落地，跟住就會告人，搞到華叔好緊張。」
本身為資深大狀的李柱銘即時當面向華叔表明，一定會力撐和保護支聯會，請華叔不要擔心，「我話支聯會俾人告的時候，我一定會幫手」。
寄語港人繼承華叔遺志
老戰友離開，但其遺志仍然未達成。李柱銘認為民主運動最重要的還是所有人合力爭取，「香港嘅民主運動係要靠大家嘅，我睇唔到我哋係領導人，華叔都唔想咁。」直指爭取民主若欠缺群眾力量，「效果係零」。他寄語所有支持民主的港人自發地繼承華叔遺志，「希望大家都問一問自己，對於香港爭取民主呢件咁重要嘅事，有乜可以再做多啲？例如多啲參與六四燭光晚會同遊行，整個行動就會升級，呢啲就係力量。」