賭王何鴻燊與四姨太梁安琪的長女何超盈，與室內設計師男友Greg上月被傳分手，有報道指超盈不甘Greg夜會新女而狠撇男友。不過，事實上二人感情有增無減，前晚超盈胞弟猷君返英國讀書，本報便直擊超盈與Greg拍住拖到機場送機，以行動粉碎分手傳聞。
何超盈與Greg拍拖三年愛得癡纏，超盈更揚言視Greg為結婚對象。然而，去年10月Greg被拍到與女伴夜遊後，即傳出超盈不甘Greg花心而狠撇男友，又指超盈因為失戀而暴肥。不過，一切傳聞原來實屬流料，超盈與Greg感情不但絲毫冇變，而且超盈胞弟猷君前晚返回英國讀書，超盈還特地與Greg到機場，與母親梁安琪及胞妹超欣等一起送機，可見Greg在超盈心目中地位穩如泰山。
超欣攬實哥哥
前晚11時許，超盈與Greg、保鑣及一女長輩乘七人車直駛往赤鱲角機場，超盈落車後發現記者，即第一時間通知身旁男友，然後蹺住Greg臂彎過馬路，再與一早到達機場的四姨太、猷君和超欣會合，一行多人走到機場的PacificCoffee坐下來傾偈。其間Greg跟超盈、猷君、四姨太和超欣有講有笑，儼如一家人般氣氛相當融洽，並傾足45分鐘才離開。
之後超盈與Greg送猶君送到閘口附近便先行離開，超欣送哥哥到閘口時，依依不捨地攬實哥哥，之後四姨太也攬實愛兒並叮囑說：「小心啲啦。」母女二人目送猷君入閘後才離開。
四太讚Greg勤力
記者昨日致電四姨太，談到超盈與Greg未分手一事，她說：「分手係傳媒講，超盈都冇講過，拍拖嗌交都好正常，佢哋不嬲都好好，我哋成日都有見面，聖誕又有一齊食飯，佢都見過賭王。」對Greg印象如何？她笑言：「佢幾好，又勤力。」那麼超盈何時結婚？四姨太說：「佢好細個，仲讀緊書，有排啦！」
採訪、攝影：黃文成、羅德光