《小明上廣州》熱爆全城，李家仁甚至奉獻他的第一次，日前相約韋然到廣州拍MV。他說：「第一版我睇過，要佢（韋然）加多啲風景，我話影我有乜好睇啫？」並要求對方加插廣州新貌如電視塔、沙面、西關等風景。
問到為何有衝動處男下海？他先自嘲一輪：「咁多年，MV邊度有吖？唱完就算啦，出咗隻碟就冇人買o架嘛。你做歌手係好慘o架，邊個買碟呀？個個上網自己download咗，根本你靠賣碟就死o架啦，我出碟都係送畀人啫！」然後才解釋說：「兩個原因。第一因為首歌似乎好受歡迎，都係時候整番隻MV喇啩，希望上網等啲朋友睇吓現在廣州新貌。另外呢，可以卡拉OK嘛，我畀埋卡拉OKo架，一齊玩吓，有幾可咁hit嘅嘢吖！」問到可有通知當局協助拍攝，他又裝出笑嘻嘻的臉：「梗係私人上啦！唔好搵官方，官方搞唔掂呀，好麻煩o架！」