近日成為各大唱片公司羅致目標的陳奕迅（Eason），在前晚的香港電台頒獎禮奪七獎。然而，繼續發揮新一代掃獎王本色的Eason，竟擔心觀眾會看厭他，覺得為何經常都是他這個「茂利」唱歌。對於好友容祖兒、楊千嬅等缺席頒獎禮，他覺得凡事兩面睇，她們不來領獎便不用捱凍，自己也是繼續吹水。
樂壇第三張成績表、港台的「第33屆十大中文金曲頒獎禮」，前晚在傳媒機構及唱片公司不和的風雨下派發，寒風中人丁單薄的頒獎禮，歌手靠大會派發的暖包對抗低溫。
唔敢幫謝安琪
橫掃三個頒獎禮的陳奕迅（Eason）直言前晚獲七個獎很興奮，皆因他最愛七字。於後台環球歌手大合照時，站在Eason身旁的謝安琪（Kay）腰帶突然下滑，Eason原本想幫Kay執起，但礙於位置尷尬，最後由助手相助，Eason則與Mr.組成人牆擋鏡頭，而Kay以頒獎禮會場近屋企為由，缺席環球於銅鑼灣的慶功宴。
對於發揮掃獎王本色，Eason笑說：「我都驚人哋覺得悶，又係呢個茂利上台。」東亞、英皇杯葛，容祖兒與楊千嬅等缺席，問Eason會否習慣人少少？他說：「慣，係唔係我都係咁吹，其實有好有唔好，今日唔嚟唔使捱凍。」Eason又說作為觀眾看不到歌手領獎演出有少少失望。
過金牌機會微
談到金牌新老闆龐維仁指他過檔費貴，Eason笑說：「點先叫貴？之前個價錢係講笑，其實我去（金牌）嘅機會微啲，因為唔想同梁漢文同一間公司，唔想成日對住佢。」他再澄清合約事宜交給經理人陳家瑛負責，太太不會插手。
另外，鄧紫棋（G.E.M.）與男友林宥嘉自街頭搶相機事件後首度雙雙現身，宥嘉說來港前做了心理準備，也知大會不會將戀情當話題，問宥嘉有否跟G.E.M.傾談？他說：「沒有，擔心給她壓力影響表現。」宥嘉續稱會繼續與G.E.M.以平民身份安守本份生活，G.E.M.則說要看有否時間才可約宥嘉出街。
採訪：王連連、李珮洳、馬建華
攝影：陳順禎、黃文偉