崔建邦早前被控醉駕，近日有傳佢喺停牌期間偷雞揸車，令無綫管理層大為震怒，即時停晒佢所有工作。無綫外事部副總監曾醒明噚日回應話：「崔建邦已經向TVB請假休息，公司亦都批准咗。」曾醒明又話，警方到目前為止未有同無綫聯絡。據知《勁歌金曲》會搵羅敏莊繼續頂落去做主持，而唐詩詠噚日喺電視城開工時就唔肯回應舊愛嘅事。