IT公司負責人阿kin噚日喺網上撰文，話早前想去科技大學搞招聘講座，點知科大就業中心唔批，話佢公司太細，參加嘅同學會好少，所以叫佢將空缺放喺就業中心網頁就算。
阿kin無明火起，炮轟「原來HSBC、Google、facebook在貴校辦招聘講座就紅地毯歡迎，本地IT中小企業辦個招聘講座就嫌太花貴校的空間和時間。」不過佢無放棄，終爭取到開招聘講座，點知收到科大要求捐款1,000蚊，令佢再氣頂一次，「不知道該反枱還是該付款。這是買賣嗎？」佢冇交代最後點做。
科大回應話場地有限，校方會根據公司業務性同招聘名額等進行篩選，唔多睇公司規模；捐款係用嚟支持同學就業計劃，屬自願性。