熱碳氣

要講2011年最潮的車身色系，唔理你是否鍾意，不得不認同碳味越濃越受追捧，碳黑、碳灰甚至碳纖這些字眼，在車版見報率一直高企。唔止跑車，連高級房車都玩碳！不過我哋呢班打工仔，要換車追貼這個碳氣潮流又談何容易！不過好彩平有平玩，將成架車換碳色當然最直接，但係好肉赤？唔緊要，選擇性將飾件噴油亦得！

記者：趙慧敏
攝影：林栢鈞
Model：Tiffany

以碳灰為主調

今時今日車身顏色真的有很多選擇，不過大路顏色又覺得平平無奇，揀些獨特色系又擔心標奇立異，無二手承接力，如色系既獨特又夠潮當然最好，不過踏入2011年，潮流色系又以甚麼顏色居首呢？
為潮人葛民輝座駕噴色的噴油專家Davy依然力捧碳色系是今年大熱，充滿塗裝感及不反光效果的色調，帶出既Cool又令人摸不透的感覺，充滿神秘感。不過在碳色系中，以碳灰最為受追捧，「其實所謂潮流色系都是跟隨Supercar的動向，例如林寶早年的Reventon及去年亮相的SixthElementConcept，都以碳灰為主調，當然成為潮流指標，且碳黑已流行數年，都開始玩到悶。」
近年碳色系爆出，總算為市場加添新意，不過心水清的車迷相信留意到，原廠正貨背上碳色的車款，車價閒閒哋達七位數字，要進身碳系車主都唔係易事！噴油改色當然是好辦法，早前Davy就為一輛VWGTI換上碳灰色，為了令全車更立體，Davy更將尾燈燈罩以黑色色油熏黑，製透SmokyEyes效果，四個合金輪圈也轉為碳黑色。Davy表示：「一般處理這類啞色效果，要在車身噴油噴五至六層，雖然換色工序繁複，不過打理算簡單，切忌以粗蠟打蠟，要用水蠟處理車身，平常以一般車身清潔劑打理就可。」