楊思琦、湯寶珍同溫家偉早前去日本東北拍旅遊特輯《紅葉瀛風》，佢哋今次去咗日本十幾日，日日都浸溫泉，噚日喺尖沙嘴做宣傳，楊思琦帶頭起哄要大隻仔溫家偉除衫浸腳，當係浸溫泉。大隻仔同楊思琦、湯寶珍喺日本一齊浸溫泉，梗係大飽眼福啦，講到兩位港姐嘅身材，大隻仔大讚話好靚！楊思琦就話下次會搵埋男友去浸溫泉。