李香琴同關菊英噚日喺銅鑼灣為蘇玉華主持嘅無綫節目《和味蘇》進行錄影，佢哋即場整賀年食品，菊姐話自己好少煮嘢食，只係以前試過喺加拿大用微波爐整豆腐花，點知整完個個都話好食，琴姐仲叫佢開舖頭，不過佢話好耐冇整會有壓力。琴姐就話以前試過喺美國登台時煲湯，點知瞓着咗搞到燶晒，之後就開始畀心機學煮嘢。