買飛前，最好問吓自己，知唔知邊個係村上春樹？有冇聽過佢本小說《挪威的森林》？如果唔知，冇聽過，唔緊要，再問吓自己，睇戲嘅態度有幾開放？若果好保守，好自大，你不如慳番啲錢同時間，人哋咁大公司唔志在賺你幾十皮。
至於村上同挪威嘅忠實粉絲，都要問吓自己崇拜同沉迷嘅程度，受唔受得住打擊？小說改編電影，你預咗得番一半就差唔多！到底係兩種唔同嘅媒界。你話到咗今時今日，有邊齣電影或電視劇比得上原著嘅《紅樓夢》、《三國演義》同《金瓶梅》吖？真係有？咪講笑啦！
陳英雄呢部電影版《挪威的森林》，唔係爛片，佢絕對好清楚，拍電影係乜嘢一回事。但如果話齣片好成功，亦距離事實甚遠。每個讀者對直子和渡邊都有不同的想像，要爭拗選角是否得宜乃多此一舉。聽聞小說的電影版權費高達一百萬美元，村上屬意陳英雄改編，當然有看過其電影作品，亦希望電影出來不會辱沒其神祇般的地位，最重要是得以成為舉世矚目的國際片，而不純然是一齣日本片。
撰文：黃國兆