葉劉牽頭嘅新政黨新民黨（NewPeople'sParty）星期日舉行成立典禮，未全面公佈黨綱，新黨徽（圖）噚日曝光，藍色N字加兩個紅色圖案，有啲似運動鞋品牌logo，勝在簡單易認。
通勝話星期日宜訂盟、簽約，唔知葉劉有冇睇過通勝先揀好呢個吉日？新民黨除咗有中委會主管黨務，仲有個顧問團撐場，據知葉劉已邀請多個退休高官做顧問，包括前局長鄺其志同羅范椒芬，希望星光熠熠可以喺選舉時吸多啲公務員票。
今、明兩年都係選舉年，新民黨已在多區部署出選，八方聽聞多個年內退休嘅紀律部隊人員都會掛新民黨招牌上陣，佢哋勝算如何好難講，但肯定係不能忽視的力量。