《勁歌金曲》昨日有常客官恩娜、陳偉霆、林欣彤以及歸位的崔建邦。沒有四大唱片公司，官恩娜經常獲邀上《勁歌》撐場，《勁歌》總選即將舉行，出席率頗高的官恩娜可望在無綫頒獎禮攞獎，她說：「係咁計嘅咩？應該都唔會關出席率事，之前喺新城有獎，都希望嚟緊頒獎禮都會有，獎係對歌手一個肯定，我喺TVB同港台都好多年冇上過台，今年希望有喇！」
將亮相亞視
身為無綫合約歌手的官恩娜，不知道自己將會亮相亞視，她說：「我真係唔知港台頒獎禮會喺亞視播，不過我哋作為歌手都係支持一個頒獎禮。」官恩娜指自己入行六年，視祖兒為發奮目標，希望有日可以得到女歌手獎。
採訪：楊潔雯
攝影：彭琮然