馬浚偉劇集一部接一部，正在無綫播放的劇集《誘情轉駁》馬仔有得睇陳法拉跳桌上舞，還可以攬又錫，已經艷福不淺，緊接下一部推出的《隔離七日情》馬仔做花心大少，還令郭羨妮和呂慧儀為了他爭風呷醋。
慶幸艷福無邊
馬仔說：「都係公司對我有信心囉！《誘情轉駁》就做一個百分百忠心嘅大律師，《隔離七日情》就做花心大少，性格介乎於正邪之間，好有發揮。戲入面個個女仔都鍾意我，人人為我爭風呷醋，我同郭羨妮有床上戲，呂慧儀又勾引我，咁大個仔都未試過咁好桃花命。」
平時做慣好人，一下子變花心大少，觀眾會否接受不了，馬仔說：「唔好諗得咁負面，公司都係重視我先有咁樣安排。」
撰文：林妃