花旗股市前晚受就業數據支持上升，道指突破11700關，花旗股市技術向好嘅勢頭好明顯。
港股噚日窄幅波動，恒指最終升28點收市，報收23786，成交冇大變，維持喺近日較高成交水平，反映窄幅市況並唔係觀望市況，而係好淡爭持。
滙控（005）繼續造好支撐大市，地產股分類指數嘅技術走勢亦轉強，港股短線仍然係伺機向上破關嘅格局。
上石化C輪25189：上石化（338）報收4.63元，升6.6%。股價喺10日同20日線橫行咗一段幾長嘅時間，呢兩日大幅炒上，成交顯著增加，日線同周線圖都出現技術突破，短線乘勢上試5元關嘅機會好大，破位睇5.30元，可以諗吓隻C輪25189。
隻輪現價75仙，2011年3月30日到期，行使價3.98元，溢價2.2%，引伸波幅39.4%，槓桿率6.2倍（有效5倍），正股升上5.30元，25189睇1.34元，正股跌穿4.43元就沽咗隻輪。
俊樺