球迷可以大飽眼福啦！因為快艇新秀「勁爆入樽王」比歷克格芬（圖）將會出戰下月喺洛杉磯舉行嘅明星賽花式入樽賽。聯盟公佈嘅名單同《洛杉磯時報》早前爆出嘅一樣，有公鹿嘅B贊寧斯、巫師嘅麥伊同雷霆嘅伊巴卡。格芬話佢喺主場出戰好興奮，仲神神秘秘咁唔講，到時會有咩花式表演，要知？真係到時要實部電視囉！