很多人都說婚禮簡簡單單就好，不必鋪張，但骨子裏始終對人生大日子有點要求，有點執着，希望為自己及賓客留下美好回憶。26歲的婚禮佈置設計師李卓熙（Chester），正職是時裝品牌公司櫥窗設計師，為新人windowdressing展示幸福恩愛甜蜜，他說佈置教堂及婚宴場地最好玩。
花心思營造方舟氣氛
新人對對不同，婚禮場地佈置卻大同小異，Chester堅持佈置不應只有幾條絲帶、幾個氣球、幾張恭賀字條，裝飾可以簡單，但細節應該呈現新人的性格及喜好。看過太多流水作業的佈置，他不甘心：「教堂佈置冇乜心思，擺幾個花球、幾條羽毛就當係佈置。做佈置最緊要同新人有關，可以喺佈置裏面睇到新人性格嘅元素，帶出一個整體性。」
Chester年多前與拍檔成立婚禮佈置公司，接受訪問當日，他穿着一條淡粉紅色長褲，卻沒有一點浮誇感覺，反而散發出一種想要低調地突破局限的味道。Chester舉例說，有一對基督徒結婚，希望教堂佈置可以用挪亞方舟為主題，方舟的動物一雙一對歡迎賓客，又有雨後彩虹見證他們成家立室，「本來新人話想買好多動物公仔擺喺度，不過會好貴，而且無理由買好多木嚟整隻方舟，做設計師，一定要幫客人解決成本問題，而唔係純粹為design而design」。
Chester想到用摺紙方式摺出一對對動物，又擺上木相架、木燭台，及其他以啡色或木紋為主的設計，仿效方舟的木船氣氛。
人與人之間用心連繫
月前有對新人結婚，其中一人是記者，她對時事很有觸覺，熱愛和平，說希望婚宴場地會掛上黃絲帶，並以黃色為主調。Chester就用上蕾絲、黃絲帶，並買了200個檸檬，放在餐桌、樓梯等作佈置，賓客一踏入會場，就有一股清新田園果味撲面而至，胃口大開之餘又令人印象深刻。200個檸檬如何處置？「送晒畀婚宴場地，我哋收番都冇用，哈哈，200個應該可以整到500杯凍檸茶！」
Chester說這個黃絲帶設計帶來很大滿足感，除了表現到新人的性格及喜好外，最意想不到是跟一對新人做了好朋友，「前幾日仲出嚟食飯，因為輪到我結婚，有好多嘢想請教佢哋，佢哋又畀咗好多好嘅意見」。最富滿足感的工作，不只是金錢上收益，更重要是人與人之間用心的連繫。
將於2012年初結婚的Chester，又會如何佈置自己的婚禮？「唔……未諗到喎！有好多ideas，我花名係熊貓，女友花名係阿蚊，可唔可以係隻蚊想咬熊貓，熊貓撥開佢，之後……唔知點解佢哋就錫錫喇！」Chester帶點儍氣又甜絲絲地說。
記者 袁慧妍