人面不知何處去，桃花也未必依舊笑春風。本地桃花農近年由逾百戶減至不足20戶，且大多年事已高。有花農慨嘆本地桃花遲早湮沒，市民難再看到遍地嫣紅的桃花園。「舊年好多商場轉買大陸桃花，結果啲花唔開，走嚟問我，我都冇符，畀唔到花佢哋。」
中國人，尤其做生意的，新春最愛擺放桃花，取其「鴻圖」之意，其實桃花枝枝皆辛苦，「桃樹係唔開花，要先幫佢接上開花嘅桃枝。」財利農場老闆馮正說，接枝後種植一年才見花蕾，再等最少三年才可發售，「呢三年唔係坐喺度等，係要不斷幫佢分枝，每枝再開好多花。」
三年桃花大約高5至6呎，若要長成7、8呎，要等四、五年；若要成為14呎以上的桃花王，更要等7、8年，「每年都係心機」。馮正說，還需視乎天氣溫度控制桃花生長速度，如預料天氣寒冷，就要提早摘葉。
多商場轉用內地桃花
「唔係棵棵都等到咁多年o架！」桃花大王劉海濤也說，每年夏季的颱風、大雨，都威脅桃花生長，「試過打風，半夜爬起身冒風雨拉帆布幫佢遮雨，自己就濕晒」。他說桃花要悉心照料，不可靠大型機器，又不時要除蟲、施肥。採訪當天剛施肥，陣陣「香氣」確實不足為外人道。
近年內地桃花引入，價格便宜一半，但劉海濤說品質未必有保證，如去年不少商場轉用內地桃花，新春時花蕾不開甚至枯掉，「佢新年打電話嚟問我，我都賣晒幫佢唔到」。
「我個仔話，老竇家咩年代呀，仲種桃花！」他說桃花農已由10年前的逾百戶，至現在不足20戶，遲早式微。本報記者