球員成日比賽都要飛嚟起去，喺飛機度間唔中會玩吓啤牌消磨下，個個身家千萬，梗係會有錢銀上落，不過涉及錢銀轇轕自然多爭執。好似灰熊嘅後衞OJ美奧（圖）同東尼阿倫咁，兩人周一喺飛返孟菲斯程機度操啤，東尼阿倫贏咗後追OJ美奧還錢，搞搞吓就發生口角兼打交，需要隊友分開。灰熊官方就話事件已完結，希望真係啦！