【本報訊】社民連為五區公投多次與華叔爆發爭拗，創黨主席黃毓民昨日也有出席悼念華叔的儀式，祝願同為基督徒的華叔「主懷安息」。
黃毓民籲勿人身攻擊
黃毓民稱他無資格評價華叔功過，強調即使不接受華叔反對五區公投的立場，也不會抹煞華叔的貢獻，「過去廿幾年華叔為中國民運努力，同埋豎立支聯會嘅旗幟，呢個我哋唔可以因為佢反對五區公投就去否定佢」。
黃毓民又指中國人傳統以死為尊，呼籲社民連支持者不要再在網上人身攻擊和以惡毒言論批評華叔：「中國嘅傳統就係以死為尊，佢哋唔應該寫呢啲嘢，大家唔同政見啫，唔好話華叔家唔喺度，就算佢在生時，都唔應該用人身攻擊同惡毒語言攻擊一個人。」
社民連「長毛」梁國雄昨午亦到立法會門外在弔唁冊留言，寫上魯迅詩句「歷盡劫波兄弟在，相逢一笑泯恩仇」，指自己與華叔爭取民主目標一致，過去爭拗很平常，重申從無詛咒華叔「癌病上腦」，稍後也會出席其他悼念活動。