由香港政府同貿發局合辦、一年一度嘅亞洲金融論壇又嚟喇，呢壇金融界盛事年年都猛人如雲，今年都唔例外，除咗一堆「本地薑」高官之外，內地都派咗唔少副市長、副省長嚟坐鎮，計埋其他諸如諾貝爾獎得主蒙代爾、日本投資團隊等等，真係星光熠熠。
猛人太多不能盡錄，其中一個就係有「歐洲股神」之稱嘅安東尼．波頓（圖），佢會主講有關全球投資機遇嘅講題。為咗將個論壇再隆重其事，貿發局今年仲搞搞新意思，搵嚟寶馬（BMW）贊助，到時會有豪華專車接載呢班達官貴人！
講番呢個論壇，今年嘅講題好豐富，當中梗係唔少得人民幣啦，計埋啲工作坊同討論環節，關於人仔嘅都有3場，呢樣嘢有幾重要，真係不言而喻。Bytheway，呢個月17、18日又辛苦晒咁多位行家喇！