劉德華曾與杜汶澤相交甚篤，後有指因阿澤口不擇言在圈中得罪人多，繼而傳出二人交惡多年，但前晚華仔特別請阿澤任個唱嘉賓，以證冰釋前嫌，阿澤則找來老婆田蕊妮撐場幫手唱歌，被華仔取笑他靠女人，田蕊妮開玩笑說：「佢生成咁嘅樣，係要食軟飯o架啦。」
劉德華曾與杜汶澤相當老友，華仔甚至將物業租給他住，後有傳阿澤一朝得志語無倫次，朋友一個一個疏離，甚至指他與華仔也交惡，直到年前阿澤學佛茹素，性格收斂不少。
列為酒肉朋友
前晚華仔在紅館舉行第16場演唱會，他介紹嘉賓出場時謂：「我啲朋友分好多種，有啲係至愛，有啲係酒肉，呢位算係酒肉朋友，但佢改變咗，因為最近食齋，但佢本性冇變，一樣咁儍，佢係儍強。」身穿中山裝的阿澤出場。
華仔續說：「之前好多人以為我哋交惡，你解釋吓。」阿澤大聲說：「清者自清，我企得喺呢個台度已經證明一切。」但當華仔要求阿澤唱歌時，阿澤卻派代表上陣，隨即介紹說：「佢唔係一般巨星，係超級巨星，杜田蕊妮。」大塊田出場拍着心口猛話緊張，心口卜卜跳，又叫華仔摸吓，華仔隨即與她擁抱，然後他對阿澤說：「你請槍？我最憎人靠女人。」誰知大塊田搶着說：「冇計啦，佢生成咁嘅樣，係要食軟飯o架啦。」兩夫婦遂合唱《明星》。
此外，華仔前晚特別加插跳拉丁舞環節，穿上一身舞衣的他說：「過去30年我不停學舞，以前跳舞對我嚟講好困難，但我慶幸背後有班人不停幫我。」華仔表演完畢獲熱烈歡呼，他也一臉自滿，興奮得打了一個空翻。
撰文：丁寧