周秀娜今年退出寫真界，轉攻大銀幕，其所屬的經理人公司惟有捧新女作接班人，且更大堆頭「胸」群而出，由32名16歲至22歲的Dcup少女組成港版巨胸AKB48，以音樂組合形式登場，組合暫名32Destiny（32D命運少女）。據悉周秀娜的經理人連月來已四出物色人選，並會從香港、台灣、內地及馬來西亞等地甄選大胸少女。
周秀娜特訓師妹
據知32D命運少女將於4月成形，暑假推出必殺宅男的水着寫真集，榮升師姐的周秀娜就會培訓接班師妹，她昨聞悉要訓練一眾師妹拍寫真時，在電話中即嘩聲大叫：「嘩，暈低都似！佢哋要買番我兩本寫真先喎，咁我要搵番啲拍寫真嘅記憶教佢哋，可能要出多本寫真啦。」
周秀娜認為有師妹登場是好事，她笑說：「32個咁多，賣青春活力，冇壞嘅。」問她會否擔心被搶風頭？她說：「梗係唔夠佢哋嚟啦，佢哋32個我一條友，但每一年都有新鮮嘢畀大家睇，大家行緊唔同嘅路。點比吖，我點同佢哋鬥呀，一個人一拳都揮低我啦。」
採訪：夏琴