隔晚花旗股市窄幅上落，道指升20點收市，納指雖然背馳下挫，但係大形勢都係向上，相信喺道指帶動下好快會再升。
港股走勢仲靚，恒指靠近全日高位收市，報收23757，上升89點，成交有780億，算配合，早排喺低位死吓死吓嘅滙控（005）大成交升番上100日線樓上，睇嚟會有動作，會係短線支撐港股嘅主力，如果滙控股價踢上86至88元區域，恒指有機會上試24000至24200。
馬鋼C輪27438：馬鋼（323）報收4.55元，升2.2%，股價前日升破50日線，噚日再下一城，升破100日線收市，成交雖然略為縮減，但都算暢旺，稍為整固好大機會上試5至5.20元區域，可以諗吓隻C輪27438。
隻輪現價58仙，2011年6月13日到期，行使價4.68元，溢價4.2%，引伸波幅54.4%，槓桿率7.8倍（有效4.2倍），正股升上5.20元，27438睇98仙，升幅近7成，正股跌穿4.30元就沽咗隻輪。
俊樺