金牌大風主席鄭東漢日前宣佈引退，黃柏高（Paco）之後又辭職，昨日Paco接受商台節目訪問時談到辭職原因，他說想做自己一直有興趣和理想的事，今次是適當時間挑戰自己。問是否鄭東漢退出由龐維仁揸弗所以是時候退出？Paco說：「可以咁講，鄭生交棒畀一個年輕才俊，我覺得又係時候想做有興趣嘅嘢。當然我好堅持電影理念，嚟緊最重要得到龐生同金牌大風藝人支持我嘅電影。」
拍戲搞飲食
Paco說龐維仁有挽留他，但他始終想做自己的事：「我想作為合作夥伴，唔係上司、同事。」問Paco是否一直部署淡出唱片業？他說知道鄭東漢有意退出金牌大風，已計劃自己的路向，這五年他建立到權威飲食推介，發覺最感興趣，亦是適當時候推動飲食文化。Paco又指不會放棄廣東歌，希望借電影推動廣東歌，並呼籲樂壇團結。另外，Paco將於舊曆年後開拍兩部新戲，會找錢國偉及新晉導演火火合作。
撰文：葉雪