今年首個交易日，港股升400點，報23436，緊貼50日線，成交增加，只因上日係半日市，532億成交反映股市依然係靜。
連升多日，技術指標已見改善不用爭拗，成交靜可以是破關的有利條件，亦可以係不利因素，所以如果指數炒上，都係要睇成交變化。
踏入新一年內銀貸款可用新Quota，內銀股自然會受追捧，油價睇升，相關股份自然要留意。
中石化C輪17752：中石化（386）報收7.57元，升1.7%。股價上番50日線之後成個勢唔同晒，10日線正向上移，配合成交增加，短線試8元嘅機會唔細，破位睇8.50元，可以諗吓隻C輪17752。
隻輪現價8.9仙，2011年8月3日到期，行使價7.08元，溢價5.3%，引伸波幅30.2%，槓桿率8.5倍（有效5.4倍），正股升上8.50元，17752有機會見15.8仙，升幅近8成，如果正股跌穿7.25元就沽咗隻輪計數。
俊樺