星期日中午突然傳出華叔病逝消息，《蘋果》第一時間出號外（圖），正在中聯辦示威嘅李卓人、蔡耀昌匆匆趕去見華叔最後一面，可能事出突然，教協同支聯會發出華叔死訊時都好蝦碌，當日教協第一時間喺網頁發出過身消息，指華叔在中午12時25分逝世，較後來公佈嘅死亡時間早咗約半小時。
支聯會都甩晒轆，治喪委員會召集人朱耀明牧師最初宣佈華叔在12時58分逝世，不過支聯會網頁同facebook卻指死亡時間係12點56分，相差兩分鐘雖然唔係好耐，但卻令唔少人猜想，究竟呢兩分鐘發生咗乜事呢？八方事後打聽，據講當日情況有啲混亂，最終以死亡證時間12點56分為準。